Artur Yunusov: "Biz iroda ko'rsatdik"

"Ushbu o'yin biz uchun juda muhim edi, chunki mag'lubiyat guruhdan chiqish imkoniyatlarimizni yo'qqa chiqarardi. Buni yaxshi tushunib, bahsga yaxshi tayyorgarlik ko'rdik. Kolumbiyaga qarshi qiyin bo'lishini bilgandik, chunki ular musobaqa mezboni hisoblanishadi. Pulpis aytganidek o'yinni himoyadan boshladik va birinchi bo'limda imkoniyatlar paydo bo'ldi. Natijada 2 ta gol urishga muvaffaq bo'ldik, Kolumbiya esa katta kuch bilan hujumga o'tdi va bizda qarshi hujumlar tashkil etish imkoniyati paydo bo'ldi. Afsuski, o'yin oxirida bizga omad etishmadi. Biz bu bahsda g'alaba qozonishni qattiq istagan edik.

Biz iroda ko'rsatdik. Ushbu uchrashuv uchun yigitlarga katta rahmat aytmoqchiman. SHu bilan birga O'zbekiston terma jamoasi muxlislariga ham qo'llab-quvvatlash uchun minnatdorchilik bildirmoqchiman" - deydi Artur Yunusov.