Nodir Eliboev: "Yigitlarning barchasi irodali, ahir o'zbekmiz"

Uchrashuvdan so'ng Nodir Eliboevning fikrlari bilan qiziqdik.

- Birinchi turdagi omadsiz o'yindan keyin jamoa ikkinchi o'yinga juda yaxshi tayyorlana olganining sababi nimada?
- Panma bilan o'yindan so'ng juda xafa edik, umuman kayfiyatimiz yo'q edi. Lekin, murabbiylarimiz va raxbarimiz o'sha o'yinni unutishimiz kerakligini, oldinda turgan Kolumbiya va Portugaliya bilan o'yinlarni yutsak chiqamiz deb bizni ruhlantirishdi. Keyin bosh murabbiyimizning o'yindan oldingi ko'rsatmalari va yigitlar bilan kelishib shu bahsni yutmasak bo'lmaydi deb o'yinga chiqqanimiz saba bo'ldi deb o'ylayman.

- Bugun butun o'yin davomida hisobda oldinda bo'lishni kutganmidingiz?
- Murabbiyimiz Mendez agar birinchi gol ursak, ular gol urish uchun shoshila boshlaydi va biz ularni qarshi hujumda ushlaymiz deb aytdi.

- O'yin oxirlarida biroz bo'shashganga o'xshadilar?
- Biz o'yin oxirida bo'shashmadik. Agar ahamiyat bergan bo'lsangiz hakamlar baribir mezbon jamoaga biroz yordam qildi. So'nggi ikkita golda esa shunchaki ularni omadi keldi.

- Jahon chempionatida 13 soniya qolganda g'alabadan quruq qolish... Bu narsa keyingi tur oldidan futzalchilarni ruhan sindirib qo'ymaydimi?
- Bu natija juda ham alam qildi, lekin bizni yigitlar barchasi irodali, ahir o'zbekmiz. Portugaliya bilan bahs biz uchun final o'yini bo'ladi.


Tolibjon Qosimov suhbatlashdi