Xose Mariya Mendez: "Biz Rikardinoga qarshi alohida taktika qo'llamaymiz"
/ Kiritdi: BestMaster O'qilgan: 1063
Futzal bo'yicha Jahon chempionati 3-turidan o'rin olgan Portugaliya - O'zbekiston uchrashuvidan oldin ikkala jamoa ustozlari ishtirokida matbuot anjumani bo'lib o'tdi.
Dastlab O'zbekiston terma jamoasi bosh murabbiyi Xose Mariya Mendez o'z fikrlarini bildirib o'tdi.
"Portugaliya dunyoning eng kuchli jamoalaridan biri, ammo bizning yo'qotadigan narsamiz yo'q. Ertaga Kolumbiya bilan kechgan uchrashuvdagidek harakat qilishimiz lozim.
Biz Rikardinoga qarshi alohida taktika qo'llamaymiz. Biz butun Portugaliya termasiga etibor qaratamiz. Bunday taktikani biz Kolumbiyaga qarshi ham ishlatgan edik.
O'zbekiston keyingi bosqich masalasini allaqachon hal qilishi kerak edi. Panamadan uchragan mag'lubiyat ko'p narsani o'zgartirib yubordi. Nima bo'lganda ham, biz keyingi bosqich uchun kurashishga tayyormiz, - deydi Xose Mariya Mendez O'FA matbuot xizmati.
Eslatib o'tamiz, Portugaliya - O'zbekiston uchrashuvi 17 sentyabr kuni Toshkent vaqti bilan soat 06:00da boshlanadi.
Bosh sahifaga
180