"Metallurg": “Qo'qon 1912”ga qarshi uchrashuvni Davron Karimqulov o'tkazib yuboradi
/ Kiritdi: BestMaster O'qilgan: 818
“Metallurg” futbolchilari "Qo'qon-1912" jamoasi bilan bo'ladigan navbatdagi tur uchrashuviga Toshkent viloyatining CHirchiq shahrida tayyorgarlik ko'rishyapti.
Jamoa azolari vodiy safariga ertaga - juma kuni ertalab jo'nab ketishadi.
Mazkur uchrashuvda poytaxt viloyati jamoasiga tajribali himoyachi Davronbek Karimqulov yordam bera olmaydi. Sababi “Paxtakor” bilan uchrashuvda olingan sariq kartochka D.Karimqulovning mavsumdagi to'rtinchi ogohlantirilishi edi. SHu boisdan u navbatdagi tur o'yinini o'tkazib yuborishga majbur. Tarkibga esa jamoa to'purari Zohid Abdullaev qaytdi. U mashg'ulotlar jarayonida faol ishlayapti. “Paxtakor”ga qarshi uchrashuvda maydonga tusha olmagan Zohid Abdullaev hozircha to'purarlar poygasida “Lokomotiv” hujumchisi Temurxo'ja Abduxoliqovdan ikkita to'pga ortda qolayapti.
Qo'qonda bo'lib o'tadigan uchrashuvni mamlakatimizning eng tajribali hakami, FIFA referesi Ravshan Ermatov boshqarib boradi. Unga qanotlarda Abduhamidullo Rasulov va Jahongir Saidovlar yordam berishadi. Zahiradagi hakam Akmaljon Rahimov esa asosiy tarkiblar o'yinidan bir kun muqaddam yoshlar tarkiblari uchrashuvini ham boshqarib boradi.
Qo'qon-1912 (Qo'qon) – Metallurg (Bekobod). 17 sentyabr. Qo'qon shahri.
Hakamlar: R. Ermatov (Toshkent), A. Rasulov (Toshkent), J.Saidov (Toshkent), A. Rahimov (Andijon)
Nazoratchi: D. Roman (Toshkent).
O'zPFL vakili: B. Haydarov.
"Metallurg" matbuot xizmati
Bosh sahifaga
112
30 Oktyabr 2021, 19:02