Kiberfutbol: PCFLning Qashqadaryo va Surxondaryo viloyatlari uchun saralash bosqichi bo'lib o'tdi

Qarshi shahridagi "Nasaf" stadionida o'tkazilgan saralash bahslarida 24 nafar kiberfutbolchi qatnashdi.

Ushbu ishtirokchilar 4 guruhga bo'lindi.

O'z guruhida birinchi va ikkinchi o'rinni egallaganlar chorak finalga yo'llanma olishdi.

Kecha "Nasaf" kiberfutbolchilariga aylangan Turdiqulov Ilhom va Umarov Hislat yarim finalda bir-biriga raqib bo'ldi.

Ushbu qarama-qarshilikda Turdiqulov Ilhomning qo'li baland keldi. Ikkinchi yarim finalda esa Hayrutdinov Oybek Murodov Akmalni mag'lub etdi. "Nasaf" kiberfutbolchisi final uchrashuvida Oybekni taslim etib, saralash g'olibiga aylandi. Yarim finalgacha etib kelgan barcha o'yinchilar Grand final yo'llanmalariga ega bo'lishdi.

1-o'rin. Turdiqulov Ilhom ("Nasaf").

2-o'rin. Hayrutdinov Oybek.

3-o'rin. Umarov Hislat ("Nasaf").

4-o'rin. Murodov Akmal.

"Virtual Football" kompaniyasi saralash o'yinlarini o'tkazishda yaqindan yordam bergan "Nasaf" futbol klubi, "Nasaf" stadioni hamda qolgan barcha insonlarga o'z minnatdorchiligini bildiradi.

Viloyat va shahar saralash o'yinlarida g'olib bo'lganlar Respublika Grand finaliga yo'l oladi. Grand finalda kuchli 16 talikka kirgan ishtirokchilar avtomatik ravishda Oliy ligada qatnashish huquqini qo'lga kiritishadi. Kuchli 32 talikka kirgan qolgan 16 ishtirokchi esa birinchi liga qatnashchisiga aylanadi.

Ikkala liga o'yinlari professional futbol kabi 7-8 oy davom etishi va televideniya hamda barcha OAVlarda yoritib borilishi rejalashtirilgan.

Ushbu loyihadan maqsad O'zbekiston futboli rivojiga hissa qo'shish orqali yoshlarning bo'sh vaqtini maroqli va mazmunli o'tkazishga yordam berish. SHu bilan birga kirebfutbol bo'yicha O'zbekiston bayrog'ini jahon arenalarida baland ko'tarish.

Eslatib o'tamiz, kiberfutbol bahslari FIFA 16 o'yini bo'yicha PS4 (PlayStation 4) konsolida o'tkaziladi.

Toshkent shahri va boshqa viloyatlar saralash o'yinlari haqida batafsil malumotni bu erda olishingiz mumkin: Barcha viloyatlar saralash bosqichi muddatlari