Asqar Umarov: "Dinamo" birinchi liganing eng kuchli jamoasi"

Samarqanddan ochko bilan qaytishni istagandik. Ammo, ko'rdingiz Dinamo jamoasi tajriba va o'yin borasida bizdan ustunlik qildi - deya gap boshladi Zomin bosh murabbiyi Asqar Umarov. O'z xatolarimiz tufayli gollar o'tkazib yubordik. Himoyada ham yanada etiborliroq to'p surishimiz kerak edi. CHunki raqib bunday xatolarni kechirmasligi aniq edi. Dinamo jamoasining o'yini ancha shakllangan. Ular hozirda chempionat peshqadami, eng kuchli jamoasi bo'lib turishibdi. Birinchi davrada Zominda o'tgan o'yinda ular 2-3 ta hujumdan 0:2 hisobida zafar quchib ketishgandi. Bugun esa Dinamo jismoniy jihatdan ham ancha yaxshi holatga kelgan. Birinchi davradagi jamoa va hozirgi jamoa o'yinida ijobiy farq katta.

Zomin oldida chempionatdan oldin kuchli to'rtlikdan joy olish vazifasi qo'yilgandi. Ammo birinchi davradagi ayrim muammolar, jumladan maydon muammosi tufayli qiyinchiliklarga duch keldik. Ikkinchi davrada esa jamoaga imkonqadar barcha sharoitlar yaratib berilyapti. Zomindagi o'z maydonimizda mashg'ulot o'tab, uy uchrashuvlarimizni o'tkazayapmiz. Umid qilamanki, buyog'iga natijalarni yaxshilab, muxlislarimizni xursand eta olamiz - deya fikrini yakunladi Zomin bosh murabbiyi.