Skoulz: "MYU Pogbani Messiga o'xshab o'ynashi uchun xarid qilmagan"

"Pogba doimo turli joylarda bo'lishga harakat qilyapti. U juda ko'p ishni bajarmoqchi. Pol uch to'rt raqibni aldashga, to'p bilan qochib ketishga intilmoqda. Ammo hozir u oddiy o'ynashi kerak. Ayni damda u "Manchester Yunayted" xarid qilgan futbolchiga o'xshamayapti. Klub besh nafarlab raqibni aldab to'qqiztalikka gol uradigan Messini xarid qilmagan. MYU to'pni o'zida ushlab tura oladigan futbolchini sotib olgan. Pogba iqtidorli o'yinchi, ammo u to'pga bir-ikki marta tegib, uni Zlatanga berib, oldinga yugursa bu hech narsaga yaramaydi" - deydi Skoulz.