Bugun futbol. "Obod" - "Navbahor"

Namanganning "Navbahor" jamoasi Toshkentda "Obod" mehmoni bo'ladi.

Oliy liga, 22-tur. 16 sentyabr
"OBOD" - "NAVBAHOR"

Turnir jadvalidagi o'rni: "Obod" 16-o'rinda (12 ochko), "Navbahor" 12-o'rinda (21 ochko).
Ochkolar orasidagi farq - 9 ochko.

Tarif: Oliy ligada oxirgi o'rinda borayotgan "Obod" bugun o'z maydonida 11-uchrashuvini o'tkazadi. "Obod" avvalgi 10ta o'yindan ikkitasita g'alaba qozonib, uch marta durang o'ynagan va beshta bellashuvda imkoniyatni boy bergan. To'plar nisbati 10-21. "Navbahor" esa bungacha safarda 9ta bellashuvda maydonga tushib, hammasida mag'lub bo'lgan. Jamoa hatto durang ham o'ynay olmagan. "Navbahor"ning safar o'yinlaridagi to'plar nisbati 7-22.

Fakt: "Navbahor" ikkinchi davrada hozircha ikki bor g'alaba qozondi, "Obod" esa faqat bitta o'yinda zafar quchdi va to'rt marta mag'lubiyatga uchradi. Umuman olganda, "Obod" qatorasiga beshta o'yindan beri g'alaba nimaligini bilmayapti.

Eslatma: Namangan shahrida kechgan birinchi davra uchrashuvida "Navbahor" 2:1 hisobida g'olib bo'lgan. Akrom Bahriddinov va Dilshod Jabborov tomonidan kiritilgan gollarga Pavel Solomin javob qaytargan. Kecha bo'lib o'tgan Yoshlar ligasi bahsida mehmonlar 3:0 hisobida zafar quchishdi.