Farhod Abdumavlonov: "Bizga ishongan barcha yurtdoshlarimizdan minnatdormiz"

Bugun o'tkazilgan 3-tur uchrashuvida Xose Mariya Mendez shogirdlari Portugaliyaga 1:5 hisobida imkoniyatni boy berib qo'yishdi. O'yindan so'ng terma jamoamiz azosi Farhod Abdumavlonov bilan bog'landik va uning fikrlari bilan qiziqdik.

"Bugun avvalo yutuq uchun maydonga tushgan edik, chunki faqatgina g'alaba bizni nimchorak finalga olib chiqardi. Bosh murabbiyimizdan kerakli ko'rsatmalarni olib birinchi bo'limda teng kurash olib bordik deb o'ylayman. Ammo, himoyada pala-partish xatolarga yo'l qo'ydik va tanaffusgacha o'z darvozamizdan 2ta to'p olib chiqdik Ikkinchi bo'limda esa tan olish kerak Portugaliya sardori Rikardino o'z darajasini namoyish etdi. Aynan uning say-harakatlari evaziga Portugaliya bizni mag'lubiyatga uchratdi.

O'ylaymanki, bu biz uchun oxirgi Jahon chempionati bo'lib qolmaydi. Bizga ishongan va qo'llab-quvvatlagan barcha yurtdoshlarimizga minnatdorchilik bildiraman", - deydi Farhod Abdumavlonov.


Tolibjon Qosimov yozib oldi