Konte: "Raqibga oson gol urish uchun imkon bermasligimiz kerak"

"To'g'risini aytsam, birinchi bo'limda raqibga ikkita gol sovg'a qildik. Birinchi gol standartning tezkor o'yinga kiritilishi natijasida, ikkinchisi esa yon chiziqdan o'yinga kiritilgan to'p tufayli sodir bo'ldi. Bu uzoqdan berilgan ajoyib zarba edi, ammo biz raqibga oson gol urish uchun imkoniyat bermasligimiz kerak. Bunday darajadagi o'yinlarda har bir vaziyatda etibor muhim, chunki kichik detal hal qiluvchi ahamiyatga ega bo'lishi mumkin. Bugun aynan shu uchun jazolandik.

Ikkinchi bo'limda hisobni qisqartirdik va yana bir gol urish uchun ajoyib imkoniyatga ega bo'ldik, afsuski, Kosta undan foydalana olmadi. O'yinni qutqarish uchun vaziyatlar bo'ldi, ammo juda kech bo'lgandi. Ikkinchi bo'limni o'sha tarkib bilan boshladik, lekin o'yin butunlay boshqacha edi. So'nggi 10 daqiqada 3 nafar yangi futbolchini maydonga tushirdim. Men Azarni Diegoga yaqinroq qo'yishim kerak edi.

Har bir uchrashuv qiyin bo'ladi. Buni yodda tutishimiz kerak va o'tgan mavsumni takrorlamasligimiz lozim. CHempionatdagi 10-o'rin kamida g'alati ko'rinadi. Biz o'yinimizni yaxshilash ustida ishlashimiz kerak" - deydi Konte.