Temur Hakimov: “Biz uchun ushbu 3 ochko juda ham muhim edi”

Ushbu bahsda toshkentliklarning qo'li baland keldi (3:0). O'yindan so'ng  “Obod” klubining ilk goliga mualliflik qilgan futbolchi Temur Hakimov o'z fikrlari bilan o'rtoqlashdi. 

“Navbahor” jamoasiga qarshi o'yinda qo'lga kiritilgan muhim g'alaba bilan barcha jamoadoshlarim va klub raxbariyatini tabriklayman. Biz uchun ushbu 3 ochko juda ham muhim edi. Maydonga juda kuchli tayyorgarlik bilan chiqqandik. To'g'ri, bizda gol urishimiz uchun ko'plab vaziyatlar bo'ldi, ammo ulardan foydalana ololmadik. Mashg'ulotlarda mana shu xatolarimiz ustida ishlab vaziyatlarni golga aylantirishga harakat qilamiz. “Navbahor” bizga qarshi biroz o'ziga o'xshamasdan harakat qildi. Bu bizning foydamizga ishladi. Biz 3 ochkoni qo'lga kiritdik. Ularning jamoadagi muammolari bizni muammoyimiz emas. Keyingi turda biz chempionat etakchisi bo'lgan “Lokomotiv” klubiga qarshi o'yin o'tkazamiz. O'sha o'yinda biz bor kuchimiz bilan nimalarga qodirligimizni ko'rsatamiz”, - deydi “Obod” klubi futbolchisi Temur Hakimov.

Jahongir Sotiboldiev suhbatlashdi