Fayzulla Qambarov: “Buxoroda o'yin oson bo'lmaydi”

Uchrashuv oldidan navoiyliklar himoyachisi Fayzulla Qambarovning fikri bilan qiziqdik.

- Buxorodagi bahs har ikki jamoa uchun ham oson bo'lmaydi, - deydi Fayzulla Qambarov. - Oxirgi turda o'z maydonimizda qimmatli ochkolarni qo'ldan chiqargandik. Endi qolgan o'yinlarda ochko yo'qotishga haqqimiz yo'q. Bugungi uchrashuvni ko'plab hamshaharlarimiz ham stadiondan kuzatib borishidan xabarimiz bor. SHu uchun faqat g'alaba uchun maydonga tushamiz. Qolaversa, birinchi davrada o'z maydonimizda “Buxoro” jamoasiga imkoniyatni boy berib qo'ygandik. Ushbu mag'lubiyat alamini olishga urinamiz, albatta.

Futbol klubimiz rahbariyati ham, minglab muxlislarimiz ham bizga katta umid va ishonch bilan qarashyapti. Jamoadoshlarim buni yaxshi his etib turishibdi. Muhimi, jamoamizda kayfiyat alo darajada, muxlislarga chiroyli futbol taqdim etishga shaymiz.

“Qizilqum” PFK Matbuot xizmati.