Ro'ziqul Berdiev: "Biz bugun ikki ochko yo'qotdik"

 Matbuot anjumanining dastlabki qismida jamoamiz bosh murabbiyi Ro'ziqul Sadullaevich ishtirok etdi va o'yin haqidagi fikrlari bilan o'rtoqlashdi.
 
-Ikki jamoa ham bugun g'alabaga erishishi mumkin edi. CHunki ko'rdilaringiz har ikkala jamoada ham gollik vaziyatlar bo'ldi. Ammo imkoniyatlardan hech kim bugun foydalana olmadi. Uchrashuvdagi har ikkala jamoaning bugungi o'yini durang natijaga mos bo'ldi. Ammo biz bugun ikki ochko yo'qotdik. Yuqori maqsadlar uchun kurash olib borayotgan jamoa uchun har bir ochko juda katta qiymatga ega. Bugungi o'yinni tomosha qilgan muxlislar ajoyib o'yinni guvohi bo'lishdi.
 
Biz bugun o'z o'yinimizni to'liq namoyish eta olmadik, keyingi paytlarda qiyin o'yin o'tkazayapmiz, qolaversa oldimizda yanada bizni muhim o'yinlar kutib turibdi, buni ham etiborga olmasdan ilojimiz yo'q.  O'zlaringizga malum, bugun ayrim o'yinchilarimiz maydonga tushmadi. Biz ularga dam berishga qaror qildik. Yani oldindagi o'yinlarni ham o'ylashga majburmiz. O'ylaymanki, kelasi o'yinlarda biz yanada o'yinimizni kuchaytiramiz. Oldimizda kubok bahsining yarim final javob uchrashuvi turibdi, yani bu yilgi kubok bahslari ham yakunlovchi bosqichga etib keldi, biz finalda o'ynashni juda hohlaymiz. SHuning uchun ayrim o'yinchilarni bugun o'yinga tushirmadik, qolaversa ularning ayrimlarida engil jarohat ham bor edi. Ularning to'liq tiklanishiga imkon ham berdik. Endi biz bor etiborimizni ana shu bo'lajak o'yinga qaratamiz.