Temur Olimxo'jaev: "Keyingi uchrashuvlarda himoyada tartibliroq o'ynaymiz"

Anjumanda ishtirok etgan Temur Olimxo'jaev O'zbekiston 5-3 hisobida O'zbekistonning g'alabasi bidan tugugan uchrashuv xaqidagi fikrlaii bilan o'rtoqlashdi:

"Natija ijobiy bo'lishiga qaramay, bugungi o'yindan qoniqmadim. Bugun o'yin avvalidayoq gol o'tkazib yubordik va bu o'yin uchun ishlangan rejalarni o'zgartirib yubordi. Bu birinchi uchrashuv bo'lgani sabab yigitlar biroz hayajonlandi.

Ikkinchi bo'limda o'yinimiz nisbatan yaxshiroq bo'ldi. Tanaffusda yigitlarga hayajonni bosib olib, sovuqqonroq harakat qilish lozimligini takidladik. Himoyada yo'l qo'yishimiz lozim bo'lmagan xatolar qildik va shuning oqibatida uchta gol o'tkazib yubordik.

Rasul Yo'doshev? U sizni hayratga solgan bo'lsada, shuni aytishim mumkinki, u bugun o'z imkoniyatlarini to'liq namoyish etmadi. U juda iqtidorli futbolchi. Bugun u o'zini 50 foizga namoyish qildi, xolos.

Yamanning o'yinini tomosha qilganim yo'q. Biz o'z o'yinimizga hozirlanayotgandik. Bu o'yinni ko'rish uchun yordamchilarimni yubordim. Ular o'yinni kuzatib borishdi. Uchrashuv videosini tomosha qilib, raqibni o'rganish uchun vaqt bo'ladi. Keyingi o'yinlarda jamoa himoyada ancha tartibli o'yin ko'rsatishi yo'lida ish olib boramiz" - deydi O'zbekiston o'smirlar terma jamoasi bosh murabbiyi.