Hamidjon Aktamov: "Fikrimcha CHemirtan O'zbekistondagi eng kuchli legioner"

"O'yin kutilganidek shiddatli ko'rinish oldi. Bugun "Buxoro" bizlardan har jabhada ustun o'ynab, haqli g'alabaga erishdi. O'ylaymanki bugun buxoroliklar mavsumdagi eng yaxshi o'yinlarini namoyish etishdi. Biz bu raqibning juda ko'p uyinlarini taxlil kildik, lekin bugun ular umuman boshqacha futbol namoish etishdi. Biz umuman mezbonlardan bunday o'yinni kutmagandik. Uchrashuv davomida Fomin o'zini ajoyib tomondan ko'rsatdi va bizning hujumchilarimizga umuman imkon bermadi.

"Buxoro" Vadim CHemirtanni o'z safiga qo'shib olgani jamoa o'yinini juda kuchaytirdi desam xato bulmaydi. Fikrimcha CHemirtan O'zbekistondagi eng kuchli legioner sanaladi. U yarimta imkoniyatdan unumli foydalana olish qobiliyatiga ega", - deydi Aktamov.

"Buxoro" matbuot xizmati