Kiberfutbol: Samarqand,Guliston va Jizzax viloyatlari uchun saralash bosqichi bo'lib o'tdi

3 viloyatdan kelgan 19 kiberfutbolchi 4 guruhga bo'linishdi.

Har bir guruhda birinchi va ikkinchi o'rinni olgan ishtirokchilar pley-off yo'llanmasini qo'lga kiritishdi.

Jo'raqulov Jamshid ushbu saralash g'olibiga aylandi. Keyingi o'rinlarni Abdurafiqov Akobir va Abdurahmonov Dilshod egalladi.

Samarqand,Guliston va Jizzax viloyatlari uchun grand-finalga 6 ta yo'llanma ajratilgan edi. Keyingi uchta o'rin sohiblari Jo'raquli Murodjon, Bobur Uralov hamda SHahzod Mirzaevlar ham Toshkentda o'tadigan turnirda ishtirok etish huquqini qo'lga kiritishdi.

Viloyat va shahar saralash o'yinlarida g'olib bo'lganlar Respublika Grand finaliga yo'l oladi. Grand finalda kuchli 20 talikka kirgan ishtirokchilar avtomatik ravishda Oliy ligada qatnashish huquqini qo'lga kiritishadi. Kuchli 40 talikka kirgan qolgan 20 ishtirokchi esa birinchi liga qatnashchisiga aylanadi.

Ikkala liga o'yinlari professional futbol kabi 7-8 oy davom etishi va televideniya hamda barcha OAVlarda yoritib borilishi rejalashtirilgan.

Ushbu loyihadan maqsad O'zbekiston futboli rivojiga hissa qo'shish orqali yoshlarning bo'sh vaqtini maroqli va mazmunli o'tkazishga yordam berish. SHu bilan birga kirebfutbol bo'yicha O'zbekiston bayrog'ini jahon arenalarida baland ko'tarish.

Eslatib o'tamiz, kiberfutbol bahslari FIFA 16 o'yini bo'yicha PS4 (PlayStation 4) konsolida o'tkaziladi.

Toshkent shahri va boshqa viloyatlar saralash o'yinlari haqida batafsil malumotni bu erda olishingiz mumkin: Barcha viloyatlar saralash bosqichi muddatlari