Igor SHkvirin: “Futbolchining saviyasi mavsum davomida bilinadi”

“O'yin haqida nima ham derdim. Raqibni tabriklashdan boshqa ilojimiz yo'q. O'ynimiz chiqmadi”, - deydi Igor SHkvirin.  

- “Lokomotiv” hisobda oldinga chiqib olgach oldinga chiqishingiz mumkin edi. Lekin jamoa himoyalanishda davom etdi.
- Durang uchun harakat qilishimiz mumkin edi, lekin 4ta emas 6ta gol o'tkazishimiz ham mumkin. Qolaversa Saidkomil Akbarovni otasi kecha vafot etdi uning xizmatidan foydalana olmadik. Darvozabonimiz ham oilaviy muammosi tufayli bugun yo'q edi. Inomov esa ukol bilan maydonga tushdi. Bugun Quttiboev va O'runov to'pni o'zlarida saqlay olmadilar. Pirimov esa tezroq futbolni shaxmat emasligini tushunib olishi kerak deb o'ylayman.

- “Metallurg” bilan saviyangiz bir xil ammo ularga o'xshab etakchilarga qarshilik qila olmayapsizlar. Olmalikdagi o'yiningizni ham ko'rmadik.
- Biz hozir bir g'alaba qozonsak, bir yutqazyapmiz. Haqiqatdan ham birinchi davradagi o'yinimizni ko'rsata olmayapmiz. Bu erda futbolchining asl holati ko'rinib qolyapti. Kim uzoqqa bora oladi kim yarim davraga. Meni havotirga solaetgani boshqa. Olimpiya terma jamoasi yana yig'in o'tkazadi. O'ylashimcha ular klubida tayergarlik ko'rishi kerak. Ular uchun eng muhimi yanvar oyida qanday tayyor bo'lishi.