Ognen Krasich: "Qozog'iston yoki O'zbekistonda o'ynayotgan serbiyaliklarni termaga chaqirish juda qiyin"

Futbolchi "Futbol Ekspress" gazetasiga intervyu berdi. Suhbat chog'ida Krasich Serbiyaning mashhur futbolchilari haqida ham gapirdi.

"Sautgempton"da o'ynayotgan Dushan Tadich bilan Serbiyada "Voyvodina" jamoasida birga o'ynaganman. Suleymani bilan esa Serbiya yoshlar terma jamoasida to'p tepganman. Albatta, ular bilan munosabatlarimiz ajoyib. Qozog'istonda o'ynab yurganimda aksariyat murabbiy va mutaxassislar nega meni terma jamoaga chaqirishmaydi deb savol berishardi. CHunki men Suleymani, Kachar va Tadich saviyasidagi futbolchi emasmanda deb javob berardim.

Gap shundaki, ular Evropaning nomdor klublarida o'ynashadi. Ochig'i, bizda futbolchilarni terma jamoaga jalb qilishda o'ynayotgan klublariga alohida etibor qaratishadi. Qozog'iston yoki O'zbekiston chempionatida o'ynayotgan serbiyaliklarni terma jamoaga chaqirish juda qiyin", - deydi Ognen Krasich.