Temur Olimxo'jaev: "Guruh g'olibi bo'lishga intilamiz"
/ Kiritdi: BestMaster O'qilgan: 1121
O'smirlar o'rtasidagi Osiyo chempionatining 2-turidan o'rin olgan O'zbekiston - Yaman uchrashuvidan so'ng Temur Olimxo'jaev matbuot anjumanida ishtirok etdi.
"Bugun raqibimiz - Yaman terma jamoasi yaxshi o'yin ko'rsatdi. Bu jamoa bilan Falastinda o'tkazilgan saralash bosqichida ham to'qnash kelgandik. O'shanda 5:2 hisobida g'alaba qozongandik. SHundan buyon ular o'yin jihatdan katta o'sishga erishdi. Ular buni bugungi o'yinda isbotlashdi. Biroq biz baribir kuchliroq ekanimizni ko'rsatdik va g'alaba qozondik.
Ximoyamiz avvalgi o'yinga taqqoslaganda ishonchliroq harakat qildi. Ammo, baribir, ular bugun ham ko'plab xatolarga yo'l qo'yishdi va Yaman xavfli vaziyatlar yaratdi.
Darvozabonimiz yaxshi seyvlar amalga oshirdi. To'g'ri. Bu uning ishi va u o'z ishini yaxshi bajardi.
Tanaffusdan so'ng xujumda ancha faolroq harakat qildik. Birinchi bo'limdan keyin kerakli xulosalar chiqarib, o'zgarishlar qildik.
Bugungi o'yinlar natijalaridan qatiy nazar, SHimoliy Koreyaga qarshi o'yinda ham g'alaba uchun maydonga tushamiz. Guruh g'olibi bo'lishga intilamiz.
Bosh sahifaga
98