Bugun "Paxtakor" - "Qizilqum" uchrashuvi bo'lib o'tadi
/ Kiritdi: BestMaster O'qilgan: 1028
Bugun, 21 sentyabr kuni "Paxtakor" 20-turning qoldirilgan o'yinida "Qizilqum"ni qabul qiladi.
Mavsumni ancha barqaror o'tkazayotgan "Qizilqum" tarkibida bir qator tajribali futbolchilar to'p tepmoqda. SHu sababli bizni qizg'in va murakkab kechishi kutayotgan o'yin kutib turibdi. Oxirgi turda navoiyliklar "Buxoro"ga 0:2 hisobida imkoniyatni boy berishdi.
Jamoalar tarkibida bir nafardan yo'qotish mavjud. "Paxtakor"dan Javohir Sohibov, "Qizilqum"dan Fayzulla Qambarov sariq kartochkalar sababli maydonga tushmaydi.
Qarama-qarshilik
Jamoalar oliy liga tarixida 33 bor kuch sinashganlar. 27 bellashuvda g'alaba qozongan "Paxtakor" 5 marta durangga imzo chekkan. Bir bor Navoiy jamoasi g'olib chiqqan. "SHerlar" 90 marta gol urib, 19 marta darvozalaridan to'p olib chiqishgan. Toshkentdagi 16 bahsning 13tasida jamoamiz zafar quchgan. 2 bor durang kuzatilib, "Qizilqum" bir safar ustun kelgan.
O'yin rasmiylari
Uchrashuvni Viktor Serazetdinov boshchiligidagi hakamlar guruhi boshqarib boradi.
"PAXTAKOR" - "QIZILQUM"
Hakamlar: Viktor Serazetdinov (Toshkent), Bobur Qodirov (Buxoro), Abdurahmon Qo'ldoshev (Buxoro), Dauletboy Jalimov (Nukus).
Nazoratchi: Rashid Aytekov (Toshkent).
PFL vakili: Farhod Magometov.
Asosiy jamoalar o'yini 21 sentyabr, chorshanba kuni 18:30da "Paxtakor" stadionida boshlanadi.
Bosh sahifaga
5232
21 Iyul 2026, 21:38