“Metallurg” – Toshkent viloyati Kubogi sohibi!

Viloyat Kubogi finaliga etib kelgan “metalsozlar” hal qiluvchi bahsda Bekobodning “Mustaqillik” jamoasiga qarshi maydonga chiqdi. O'z vaqtida oliy liga vakili “Metallurg” klubi tarkibida to'p surib, mahalliy muxlislarning yoqimtoyiga aylangan Bahrom Umarov bugungi kunda murabbiylik qilmoqda. Uning qo'l ostida “Mustaqillik” ilk mavsumdayoq viloyat Kubogining finaliga etib keldi.

Final bahsi qiziqarli, xavfli vaziyatlar va gollarga boy tarzda o'tdi. Hisobni yosh jamoa azolari – “Mustaqillik” ochdi. Ammo tajribasizlik yakunda ularga pand berdi. Tajribali raqib birinchi bo'limning o'zidayoq hisobni tenglashtirdi. Ikkinchi bo'limda ikkinchi golni ham urishdi. Biroq bekobodlik yoshlar o'z irodalarini namoyish qilib, vaziyatni o'nglashdi. Lekin ularning xursandchiligi uzoqqa cho'zilmadi. Boisi, “Metallurg”ning tajribali bo'ydor futbolchisi bosh bilan darvozaning to'qqizligini nishonga olib, himoyachilarga ham, darvozabonga ham hech qanday imkoniyat qoldirmadi. Bu gol o'yin taqdirini hal qildi.

TOSHKENT VILOYATI KUBOGI
METALLURG (Olmaliq) – MUSTAQILLIK (Bekobod) – 3:2 (1:1)
21 sentyabr. Yuqori CHirchiq. “Ahmad Yassaviy” stadioni.
Bosh hakam: Dauletboy Jalimov (Qoraqalpog'iston).
Qanot hakamlari: Ilhom Abdulakov (Toshkent viloyati), Oybek Umarov (Toshkent).
Nazoratchi: Rahmatillo Qoratoev (Toshkent viloyati).  
“Metallurg”: SHahzod Ortiqov, Dilshod Abdukarimov, Jamshid Rahmatullaev, Doniyor Jo'raev, Ilhomjon Qoraboev, Farrux Normatov, Rustam Mirzaev, Elbek Jo'raev, Bekzod Tojiboev, Jamshid Turdiev, Bobur Saydazov.
Zaxiradagilar: Jonibek O'tkirov, Davron Rasuljonov, SHarofiddin Ubaydullaev, Azamat Abduqodirov, Mirzali Turdaliev, Xurshidbek Abdurasulov, Elyor Malikov.
Bosh murabbiy: Dilshod Habibullaev.
“Mustaqillik”: Nodir Nishonov, Aziz Dehqonov, Olim Boynazarov, Bahodir Ro'zmatov, Bahodir O'rmonov, Ilyos Mamalatipov, Jo'shqin Otabekov, Umid Saidov, Jamshid Nurmatov, Jamol Abdusalomov, Jasur Hojimatov.
Zaxiradagilar: SHahboz Tursunov, Dilshod Sattorqulov, Najmiddin Abdusalomov, Farhod Jabborov, Dadamuhamedov, Muhiddin Mamaraimov, Otabek O'rmonov.
Bosh murabbiy: Bahrom Umarov.
Gollar: Jo'shqin Otabekov, 32 – 0:1. Bekzod Tojiboev, 45 – 1:1. Davron Rasuljonov, 48 – 2:1. Umid Saidov, 72 – 2:2. Ilhomjon Qoraboev, 73 – 3:2.