Cyurixda Sanat SHaripovga xalqaro darajadagi sport yuristi diplomi topshirildi

Bu yil esa u jahon futboliga xalqaro toifadagi mutaxassislar etkazib beruvchi ushbu dargohdagi talim bosqichini muvaffaqiyat bilan tamomladi. Kuni-kecha Cyurixda bitiruvchilar sharafiga tantanali diplom topshirish marosimi tashkillashtirildi.

Germaniya, Buyuk Britaniya, SHveycariya, Avstriya, Italiya, Turkiya, AQSH, Kanada, Braziliya, Janubiy Afrika Respublikasi, Indoneziya, Polsha, Albaniya, Slovakiya, Xitoy va shu kabi boshqa bir nechta mamlakatlar vakillari qatorida, SHaripovga ham xalqaro darajadagi sport yuristi diplomi bayramona tarzda topshirildi. SHu tariqa, Sanat SHaripov sport sohasidagi xalqaro yurist nomiga sazovor bo'lgan o'zbekistonlik birinchi mutaxassis sifatida qayd etildi.

- Marosimning rasmiy qismi Cyurixdagi mashhur Grossmyunster cherkovida bo'lib o'tdi, - deydi SHaripov. – Bitiruvchilar uchun bayram ziyofati kechqurun Cyurix ko'li bo'ylab sayr qilgan paroxodda uyushtirildi. Bu juda ham esda qolarli manzara bo'ldi. Tadbirda FIFA, UEFA, futbol o'yini qoidalarini nazorat qiluvchi xalqaro kengash, Xalqaro olimpiya qo'mitasi, Sport arbitraj sudi, Butunjahon antidoping agentligi (VADA), Havaskorlar xalqaro boks associaciyasi (AIBA), muz ustida xokkey, velosport va boshqa ko'plab xalqaro sport uyushmalari azolari biz bilan birga bo'lishdi. Ular faoliyatimizdagi yangi bosqich bilan barchamizni samimiy qutlashdi.

***

Biz ham barcha yurtdoshlarimiz nomidan Sanat SHaripovni xalqaro sport yuristi maqomini rasman olganligi bilan muborakbod etamiz! O'zbek futbolini taraqqiy ettirishda uning xizmatlari o'ziga xos, yani xalqaro ko'rinishda bo'lishligini ham tilab qolamiz, ham kutib qolamiz!