“Metallurg”: “Buxoro” bilan uchrashuvga tayyorgarlik davom etyapti

“Buxoro”ga qarshi o'tkaziladigan mazkur uchrashuv ushbu jamoalarning o'zaro 36-o'yini bo'ladi. Ortda qolgan 35 ta o'yinning 17 tasida “Metallurg” g'alaba qozongan bo'lsa, 14 ta uchrashuvda “Buxoro”ning qo'li baland kelgan. 4 ta o'yinda esa durang natija qayd etilgan. To'plar nisbatida ustunlik “Metallurg” tomonida: 49:48. “Metallurg”ning “Buxoro” ustidan qozongan eng yirik g'alabasi 3:0 ga teng bo'lsa, “Buxoro”ning bekobodliklar ustidan erishgan eng yirik g'alabasi – 4:0.
Mazkur jamoalarning Bekobodda o'tkazilgan o'yinlarida “Metallurg” to'liq ustunlikka ega bo'lib kelmoqda. Faqatgina o'tgan yili buxoroliklar birinchi marta safardan g'alaba bilan qaytishdi. Ungacha “Buxoro” Bekoboddagi 15 ta uchrashuvni boy berib, bir marta durang o'ynagandi.

Mamlakat XXVI milliy chempionatining 23-turidan o'rin egallagan “Metallurg” – “Buxoro” jamoalari uchrashuvida andijonlik hakamlar brigadasi faoliyat olib borishadi. Bosh hakam Timur To'xtasinovga qanotlarda Anvarjon Marajabov hamda Ziyodullo Abdurahmonovlar yordam berishadi.

Zahiradagi hakam qarshilik K.Rasulov bugun yoshlar tarkiblari o'rtasidagi o'yinda bosh hakam vazifasini o'tab beradi. Yoshlar birinchiligida kuchli uchtalikda borayotgan bekobodliklarga bugun diskvalifikaciya bois Ulug'bek Xudoyorov hamda Zufarjon Akbaralievlar yordam bera olmaydi.


Metallurg (Bekobod) – Buxoro (Buxoro)
Hakamlar: T. To'xtasinov (Andijon), A. Maradjabov (Andijon), Z. Abduraxmonov (Andijon), K. Rasulov (Qarshi)
Nazoratchi: R. Serazetdinov (Toshkent).
O'zPFLvakili: R. CHernikov.