“Bunyodkor” – “Qo'qon-1912” prevyu

O'zaro o'yinlar

Bu jamoalar Oliy ligada bugunga qadar uch marta ro'baru kelishgan.

Uchrshuvlarning barchasida “Bunyodkor” g'alabaga erishgan. Qo'qonda bo'lib o'tgan uchrashuvda “qaldirg'ochlar”  2:0 hisobida zafar quchishgan.  Uchta uchrashuvdan beri vakillarimiz “Bunyodkor” darvozasiga yo'l topa olishmayapti.

“Qo'qon-1912” ikkinchi davrani yuqori suratda davom ettirmoqda. Oxirgi ikkita o'yinda No'mon Hasanov shogirdlari bir g'alaba va bir durangga erishganini etirof etish joiz.

Yo'qotishlar

Mazkur bahs oldidan jamoamiz yo'qotishlarga duch keldi.  Iqbol Malikjonov “Metallurg” o'rinbosarlariga qarshi bahsda jarohat olgan bo'lsa, tajribali futbolchimiz Aziz To'xtaboev mashg'ulotlar jarayonida jarohat olganligi bois hozircha davolanish jarayonidalar.

Toshkentdagi bahsni Pislegin boshqaradi

Oliy liga 23-tur o'yinlarida faoliyat yuritadigan hakamlar nomi malum bo'ldi. Unga ko'ra, shanba kuni bo'lib o'tadigan “Bunyodkor” – “Qo'qon-1912” jamoalari o'rtasidagi bahsni Pislegin boshchiligidagi hakamlar boshqarib boradigan bo'lishdi.

Qizig'i shundaki, o'tgan yili Toshkentda bo'lib o'tgan bu ikki jamoalar o'yinini ham aynan ushbu hakam boshqargan.

Oliy liga
23-tur
24 sentyabr (shanba)
Bunyodkor (Toshkent) – Qo'qon-1912 (Qo'qon)
Hakamlar: D. Pislegin (Toshkent), V. Lushin (Guliston), A. Kalinin (Qarshi), R. Abduvohidov (Qarshi)
Nazoratchi: X. Muxtorov (Samarqand).
O'zPFL vakili: F. Magametov.