Doniyor Hasanov: “Murabbiylar "Lokomotiv” bilan o'yinda zaxiradagi futbolchilarni maydonga tushirishmoqchi”

Ushbu o'yin oldidan “Obod” klubi futbolchisi Doniyor Hasanov o'z fikrlarini bildirdi.

“Biz asosan o'z uyimizdagi o'yinlar va biz bilan raqobatlashayotgan jamoalarga bor etiborimizni qaratganmiz. Bugun “Lokomotiv”ga qarshi uchrashuvda zaxiradagi futbolchilarni maydonga tushirishni rejalashtirishgan. CHunki, G'ayrat Umirov va Sardor Qahhorovda 3 tadan sariq kartochka bo'lgani bois ularni keyingi o'yinlarga asrab qo'yishmoqchi. Keyingi turda o'z uyimizda “Neftchi” jamoasini qabul qilamiz. “Lokomotiv”ga qarshi jiddiy tayyorgarlik ko'rganmiz. Nasib qilsa g'alaba qozonishga harakat qilamiz. “Navbahor” jamoasini mag'lub etganimizdan so'ng jamoadoshlarimning kayfiyatlari ancha ko'tarilgan”, - deydi “Obod” klubi sardori Doniyor Hasanov.

Jahongir Sotvoldiev