Avgustin Kirica: “Metallurg” o'z uyida kuchli o'yin ko'rsatmoqda”

- Uchrashuv ancha erta boshlandi. Quyoshda to'p tepish ikkala jamoa futbolchilariga ham qiyinchilik tug'dirdi. SHuning uchun ham maydondagi futbolchilar bor mahoratlarini to'la namoyon eta olishmadi. Ikki kun oldin chempionat doirasida uchrashuv o'tkazganimiz va oldinda yana uchrashuv kutib turganligi uchun futbolchilar istaysizmi-yo'qmi o'z kuchlarini asrab o'ynashadi. “Metallurg” o'z uyida kuchli o'yin ko'rsatmoqda. Ular bu safar ham o'z uylarida darvozalari dahlsizligini saqlay olishdi. Umumiy qilib aytsam, natija biz uchun ijobiy bo'ldi va yarim final yo'llanmasini qo'lga kiritdik. Endi “Lokomotiv” bilan bellashamiz. Umid qilamanki, ushbu derbida omad biz tomonda bo'lib, muvaffaqiyat qozonamiz, - deydi Avgustin Kirica.