Temur Olimxo'jaev: "O'rtada Jahon chempionati chiptasi turibdi"

Unda ishtirok etgan O'zbekiston o'smirlar terma jamoasi bosh murabbiyi Temur Olimxo'jaev, chorak final bosqichidagi Iroqqa qarshi bo'lajak o'yin borasidvgi fikrlarini bildirib o'tdi.

"Bu bosqichga hech kim tasodifan chiqib qolmaydi. CHorak finalgacha etib kelgan barcha jamoalar qitaning shu  yoshdagi eng yaxshi jamoalaridir. Iroq terma jamoasini ushbu bosqichga etib kelgani bilan tabriklayman.

Bu o'yin har ikki jamoa uchun ham juda muhim. CHunki o'yin g'olibi Jahon chempionati yo'llanmasini qo'lga kiritadi. Bu esa o'yinni jamoalar uchun murakkabroq va muxlislar uchun qiziqarliroq bo'lishiga sabab bo'ladi.

Jahon chempionati yo'llanmasi qo'shimcha bosim yuklashi mumkinmi? Albatta, futbolchilar ham oddiy insonlar va bosimning bo'lishi tabiiy hol. Ammo, shunga qaramay biz yigitlarni o'yinga to'g'ri tayyorlab, o'z o'yinimizni namoyish qilamiz, deb o'ylayman.

Iroq texnik va taktik jihatdan turnirga yaxshi tayyorgarlik ko'rgan. SHu bilan bir qatorda bir necha individual kuchli futbolchilarni ham kuzatdim.

Iroq va Ummondan qay biri yaxshiroq edi? Ochig'i, biz chempionatga yuqori maqsadlarni ko'zlab kelganmiz va har qanday raqibga qarshi o'ynashga tayyormiz" - deydi Temur Olimxo'jaev.