"Paxtakor" oliy ligada 500-g'alabasini qo'lga kiritdi

1992 yildan buyon oliy ligada uzluksiz ishtirok etib kelayotgan "sherlar" uchun kechagi g'alaba yubiley 500-g'alaba bo'lib tarixga kirdi.

Jamoa kecha o'zining 733-o'yinida maydonga tushdi. "Paxtakor" O'zbekiston milliy chempionatida 500ta g'alabaga erishgan dastlabki klubga aylandi. Uning eng yaqin taqibchisi hisoblangan "Neftchi" hisobida 461 g'alaba mavjud. Undan keyingi o'rinlarni "Navbahor" (353) va "Nasaf" (325) jamoalari egallab turishibdi.

Bundan tashqari "Paxtakor" oliy ligada eng ko'p gol urgan jamoa hisoblanadi - 1666ta. "Neftchi" (1518), "Navbahor" (1271) va "Nasaf" (1047) bu borada keyingi pog'onalarda borishmoqda.