Oliy liga. 8 yildan so'ng "Mashal" futbolchisi xet-trikka erishdi
/ Kiritdi: BestMaster O'qilgan: 932
Kecha oliy liganing 23-turidan o'rin olgan "Mashal" - "Andijon" uchrashuvi bo'lib o'tdi.
Unda muborakliklar 5:0 hisobida g'alabaga erishishdi. Uchrashuvda mezbonlar hujumchisi Kenja To'raev raqiblar darvozasiga uchta gol urib xet-trikka erishdi.
SHu tariqa, To'raev 2007 yildan buyon "Mashal" klubi safida xet-trik rasmiylashtirgan birinchi futbolchi bo'ldi.
So'nggi bor ushbu klub azosi 2007 yilda bir o'yinda uchta gol urgandi. 8 yil 10 oy 23 kun oldin Viktor Klishin "Mashal" tarkibida "Nasaf" darvozasiga uchta gol urishga muvaffaq bo'lgan edi (4:1).
Kenja To'raev 2016 yilgi mavsumda xet-trik qayd etgan beshinchi futbolchi bo'ldi. Bungacha Oleksandr Pishur ("Navbahor"), Igor Taran ("SHo'rtan"), Zafar Polvonov ("SHo'rtan") va Aziz Ibragimov ("Buxoro") kabi futbolchilar bir o'yinda uchtadan gol urishdi.
Malumot uchun, Kenja To'raev oliy ligada 2006 yildan buyon faoliyat olib bormoqda. SHu kunga qadar uning hisobida 18ta gol urgan edi. Futbolchi kechagi kunga qadar oliy ligada bir o'yinda bittadan ortiq gol ura olmagan edi. Kecha faoliyatida ilk bor xet-trikka erishdi.
Bosh sahifaga
95