"Andijon" 1 oydan beri gol ura olmayapti
/ Kiritdi: BestMaster O'qilgan: 836
Oliy liganing 23-turida "Andijon" klubi Muborakda "Mashal" mehmoni bo'lib 0:5 hisobida yutqazib qo'ydi.
SHunday qilib, "burgutlar"ning oliy ligadagi golsiz seriyasi uchta o'yinga etdi.
Oxirgi marta "Andijon" futbolchisi 26 avgust kuni oliy liganing 20-turida "Buxoro"ga qarshi o'yinda gol urgandi. O'shanda "Andijon" 1:4 hisobida yutqazgan, mezbonlar yarim himoyachisi Dilshod Jo'raev 86-daqiqada to'p kiritgandi.
Keyingi uchta o'yinning hech birida Orif Mamatkazin shogirdlari raqib darvozasiga yo'l topa olishmayapti.
21-turda Jizzaxda "So'g'diyona"ga imkoniyat boy berildi - 0:1. So'ngra "Sog'lom Avlod"da "Nasaf" bilan nursiz durang qayd etildi - 0:0. Nihoyat kecha "Mashal" bilan bahsda 0:5 hisobi hisobida mag'lub bo'ldi.
Malumot uchun, ushbu mavsumda eng uzun golsiz seriya aynan "Andijon"ga tegishli. Jamoa 12-turdan 15-turga qadar ketma-ket 4ta uchrashuvda gol ura olmay antirekord qayd etgandi.
"Burgutlar" 24-turni 1 oktyabr kuni o'z uyida "Qizilqum"ga qarshi o'tkazishadi.
Bosh sahifaga
714