Ro'ziqul Berdiev: Bugun ikkala jamoa ham oxirigacha kurashdi
/ Kiritdi: BestMaster O'qilgan: 988
Bugungi uchrashuvdan so'ng, jamoa bosh murabbiyi Ro'ziqul Sadullaevich o'yin haqidagi boshqalar haqida quyidagi fikrlarni bildirib o'tdi.
- Bugun maydonda murosasiz kurashga boy uchrashuvni guvohi bo'ldik. Ikkala jamoa ham o'yin oxirigacha kurashdan to'xtamadi. Raqibimizni yaxshi o'rgangan edik va ularning amalga oshiradigan standart vaziyatlari juda xavfli ekanligini ham bilar edik. Bu haqda futbolchilarimizni ogohlantirgan edik. Ammo bugun aynan raqibimiz bizni ana shu standart vaziyatlardan jazoladi. O'ylaymanki, “Qizilqum” jamoasi ham bizga qarshi uchrashuvga puxta tayyorgarligi o'yin davomida sezilib turdi. Ular ham bugungi uchrashuvda astoydil harakat qilishdi. Buning evaziga ular ham bugun bir ochkoni haqqoniy qo'lga kiritishdi.
Har o'yinda har xil tarkib? Albatta, o'z-o'zidan malumki, raqiblarimiz bizni ham har bir o'yindan oldin yaxshilab o'rganishadi. SHuning uchun o'yin taktikasiga qarab tarkibga o'yinchi tanlaymiz. Bazan tanlagan o'yin uslubimizga mos keladigan o'yinchilar bilan alohida tayyorgarlik ko'ramiz. Bu albatta har xil tarkib bilan maydonga tushishimizga olib keladi. Ammo bugun darvozabonimiz Eldor Suyunovning engil jarohati borligi uchun, uni maydonga tushirmadik. U nafaqat jamoamizning asosiy o'yinchisi hisoblanadi, o'zingizga malum, u shuningdek terma jamoamizga ham doimo jalb etilib turiladi. SHularni hisobga olib bugun tavakkal qilmadik. Krasichning maydonga tushirilmaganligiga uning o'tgan o'yinda qizil kartochka olganligi sabab bo'ldi.
SHuni alohida takidlab o'tishni istardim, “Qizilqum” jamoasining ham infratuzilmasida katta ijobiy o'zgarishlar ro'y beribdi. Misol tariqasida bugun o'yin bo'lib o'tgan stadiondagi sharoitlar, maydonnning holati va boshqalar bizni ham ancha quvontirdi. O'ylaymanki bunday etibor va mavjud sharoit “Qizilqum” klubining yanada rivojlanishiga omil bo'ladi. Umid qilamizki, klubga bo'lgan etibor hech qachon so'nmaydi.
Maqsadimiz? Biz hamisha yuqori o'rin uchun va O'zbekiston Kubogini qo'lga kiritish uchun kurashaveramiz. Hech bo'lmaganda, o'tgan yilgi natijani takrorlashimiz kerak.
- See more at: http://fcnasaf.uz/index.php/news/view?v=3214#sthash.D6XBdM93.dpuf
Bosh sahifaga
100