"Dinamo"ning g'alabali seriyasi 20 o'yinga etdi
/ Kiritdi: BestMaster O'qilgan: 1019
Birinchi Liga 28-turi doirasida Samarqandda Qarshining Nasaf-2 klubini qabul qilgan Dinamo jamoasi ketma-ket mavsumdagi 20-g'alabasini qo'lga kiritdi.
Ketma-ket uchinchi uchrashuvni mezbonlikda o'tkazgan ko'hna shaharlik futbolchilar Zomin, Mashal-2dan so'ng endi Nasaf-2 jamoasini mag'lub etishga erishdilar.
O'yin to'liq maydon egalarining ustunligi ostida o'tgan bo'lsada, uchrashuvdagi hisob bo'lim yakuniga kelib ochildi. 41-daqiqada Jonibek Ko'chimov raqib himoyasidagi pala-partishlikdan foydalanib, muxlislarni quvontirdi, 1:0.
Ikkinchi bo'limda ham o'yin tizgini mezbonlarda bo'ldi. Bahsning 63-daqiqasida Alisher Xoliqovga nisbatan ishlatilgan qo'pollikdan keyin bosh hakam 11 metrlik nuqtani ko'rsatdi. To'pga yaqinlashgan Omadjon Tayloqov, bu safar ham nishonda adashmadi, 2:0.
Ushbu g'alabadan keyin Dinamo jamoasining g'alabali seriyasi 20 ta bahsga etdi. Samarqand jamoasi turnir jadvalidagi peshqadamlikni o'zida saqlab, bosh maqsadi Oliy Ligaga qaytish uchun yana bir muhim qadamni tashladi.
Dinamo keyingi ikki turda 4 va 7 oktyabr kunlari Toshkentda NBU-Osiyo va Paxtakor-2 jamoalari mehmoni bo'ladi.
Birinchi Liga. 29-tur.
25 sentyabr (yakshanba)
DINAMO - NASAF-2 - 2:0
Samarqand, 1552 tomoshabin.
Hakamlar: R. Lutfulin (Toshkent) – 8,2, X. Bahodirov (Toshkent) – 8,0, D. Klepikov (Toshkent) – 8,3, S. Hokimov - 9
Nazoratchi: T. Abdullaev (Tashkent).
Gollar: Jonibek Ko'chimov (41), Omadjon Tayloqov (63, penalti).
Dinamo: Mixail Naumov, Aleksey Nikolaev (Hakimxon Alamxonov, 85), Bunyod Isroilov, Mirkomil Lokaev, Akmal Bozorov, Komil SHarofutdinov (Laziz Nuriddinov, 66), Omadjon Tayloqov, Jonibek Ko'chimov, Firdavs Abdusalimov (Islom SHaripov, 36), Viktor Klishin (Alisher Xoliqov, 46), Amirjon Safarov (Asomiddin Mamatov, 63)
Nasaf-2: Javohir Komilov, SHamsiddin Sadullaev, Siroj Ettiboev, G'olib G'aybullaev, Doston Berdiqulov, Javohir Ashurov, Dilshod Saidov, Navro'z Izzatullaev, SHoxruh Safarov, SHerzod Nasrullaev, Samandar SHukurullaev.
Ogohlantirishlar: A. Bozorov (48) – G. G'aybullaev (41), D. Berdiqulov (41), S. SHukurulaev (41), SH. Nasrullaev (43).
CHetlatish: S. SHukurullaev (ikkinchi ogohlantirish, 88).
Bosh sahifaga
220
