Kiberfutbol: PCFLning Buxoro va Navoi viloyatlari uchun saralash bosqichi bo'lib o'tdi

12 kishi ishtirok etgan o'yinlarda Ikromov Amirbek barcha raqiblarini mag'lub etib, ushbu viloyatlar chempioniga aylandi.

Toshkentdagi grand-final yo'llanmasini qo'lga-kiritgan kiberfutbolchilar:

1. Ikromov Amirbek Aminovich.

2. Bobomurodov Bobur Botirovich.

3. Ochilov Suhrob O'ktamovich.

4. Murodov Abror Asrorovich.

Viloyat va shahar saralash o'yinlarida g'olib bo'lganlar Respublika Grand finaliga yo'l oladi. Grand finalda kuchli 20 talikka kirgan ishtirokchilar avtomatik ravishda Oliy ligada qatnashish huquqini qo'lga kiritishadi. Kuchli 40 talikka kirgan qolgan 20 ishtirokchi esa birinchi liga qatnashchisiga aylanadi.

Ikkala liga o'yinlari professional futbol kabi 7-8 oy davom etishi va televideniya hamda barcha OAVlarda yoritib borilishi rejalashtirilgan.

Ushbu loyihadan maqsad O'zbekiston futboli rivojiga hissa qo'shish orqali yoshlarning bo'sh vaqtini maroqli va mazmunli o'tkazishga yordam berish. SHu bilan birga kirebfutbol bo'yicha O'zbekiston bayrog'ini jahon arenalarida baland ko'tarish.

Eslatib o'tamiz, kiberfutbol bahslari FIFA 16 o'yini bo'yicha PS4 (PlayStation 4) konsolida o'tkaziladi.

Toshkent shahri va boshqa viloyatlar saralash o'yinlari haqida batafsil malumotni bu erda olishingiz mumkin: Barcha viloyatlar saralash bosqichi muddatlari.