ECHL. CHorshanba kungi qahramonlar FOTO

"SHaxtyor" - PSJ 0:3
Qahramon: Ham himoyada, ham hujumda yaxshi o'ynagan David Luiz shu kuni Doneck klubi darvozasiga gol urdi.

"Malme" - "Real Madrid" 0:2
Qahramon: SHveciyada dublga erishgan Krishtianu Ronaldu faoliyatidagi 500 va 501-gollarini urdi. Bundan tashqari u Madrid klubi safida o'zining gollari sonini 323ta etkazib olib mutloq rekordchi Raulga etib oldi.

"Manchester Yunayted" - "Volfsburg" 2:1
Qahramon: Xuan Mata birinchi bo'limda penaltidan gol urdi va ikkinchi bo'limda Kris Smollingga fantastik golli pas uzatdi.

CSKA - PSV 3:2
Qahramon: Afrikalik Seydu Dumbiya Gollandiya klubiga qarshi bahsda ikkita gol urdi. U xet-trik ham qayd etishi mumkin edi, biroq ikkinchi penaltini noaniq tepdi.

"Astana" - "Galatasaroy" 2:2
Qahramon: Qozog'iston klubi ilk bor ECHL guruh bosqichida ochko oldi. "Astana" klubi safida kolumbiyalik Roxer Kanyas 89-daqiqada qahramonga aylandi. Aniqrog'i aynan uning zarbasidan so'ng "Galatasaroy" himoyachisi o'z darvozasiga to'p kiritib qo'ydi - 2:2.

"Atletiko" - "Benfika" 1:2
Qahramon: "Benfika" vakili Nikolas Gaytan birinchi bo'limda "Atletiko" darvozasiga to'p kiritdi. Ikkinchi bo'limda aynan uning pasidan so'ng g'alaba to'pi kiritildi.

"Borussiya M" - "Manchester Siti" 1:2
Qahramon: Mehmonlar hujumchisi Serxio Aguero o'yinning 90-daqiqasida o'zi ishlagan penaltidan unumli foydalanib "Siti"ga g'alaba keltirdi.

"Yuventus" - "Sevilya" 2:0
Qahramon: ECHL finalchisi o'z maydonida "Sevilya"ni mag'lub etdi. Turin klubi hujumchisi ispaniyalik Alvaro Morata ECHLda ketma-ket beshinchi o'yinda ham gol urib Alessandro Del Peroning natijasini takrorladi.

Narzulla Saydullaev tayyorladi