"Qo'qon-1912": "Navbahor"ga qarshi tayyorgarlik boshlandi

Kechagi mashg'ulotlar suniy qoplamali maydonda va trenajyor zalida bo'lib o'tdi. Mashg'ulotlarda barcha futbolchilar, murabbiylarning ko'rsatmalari asosida ter to'kdilar. Jarohati bois Aziz To'xtaboev mashg'ulotlarda ishtirok etmayapti.

“Bunyodkor”ga qarshi o'yinda jarohat olib maydonni erta tark etgan Otabek Zokirov esa shifokor nazorati ostida alohida mashqlarni bajarmoqda. Mashg'ulotlar so'nggida futbolchilar saunada tiklanish jarayonida qatnashdilar.  Kechki ovqatga esa o'zbek milliy taomi osh tortildi. Jamoamizning barcha azolari legioner himoyachi Darko Gojkovichni tug'ilgan kuni bilan tabriklashdi. Bugundan mashg'ulotlar ikki mahaldan davom etadi.