Plyaj futboli bo'yicha O'zbekiston terma jamoasi BAAni mag'lub etdi

Mazkur musobaqada ishtirok etayotgan plyaj futboli bo'yicha O'zbekiston terma jamoasi bugun o'zining ilk uchrashuvida BAA terma jamoasiga qarshi maydonga tushdi. Gollarga boy va qiziqarli o'yinda jamoalar asosiy vaqtda 3:3 hisobida durang o'ynashdi. O'yindan keyingi penaltilar seriyasida esa, O'zbekiston terma jamoasi 2:0 hisobida g'alaba qozondi. Uchrashuvda Jamoliddin SHaripov ikkita gol kiritgan bo'lsa, terma jamoaning yana bir goliga Feruz Faxriddinov mualliflik qildi.

SHu tariqa, Ahad Yusupov bosh murabbiyligidagi O'zbekiston terma jamoasi guruhda muddatidan oldin birinchi o'rinni qo'lga kiritdi va keyingi bosqichiga yo'l oldi. Boisi, guruhning yana bir vakili Falastin terma jamoasi musobaqada ishtirok etmagan va O'zbekiston hamda BAA terma jamoalari chorak finalga yo'llanma olishdi.

O'zbekiston terma jamoasi keyingi bosqichda turnirning D guruhida ikkinchi o'rinni qo'lga kiritigan Afg'oniston terma jamoasiga qarshi o'ynaydi. Mazkur o'yin 29 sentyabr kuni bo'lib o'tadi.

Malumot uchun, musobaqaning A guruhida Vetnam, Laos, Tailand jamoalari o'rin olgan bo'lishsa, B guruhida Ummon, Qatar hamda Livan terma jamoalari o'rin egallashgan. Turnirning so'nggi D guruhidan esa, Yaponiya, Xitoy hamda Afg'onsiton terma jamoalari o'rin olgan.

Plyaj sport turlari bo'yicha Osiyo O'yinlari.
Plyaj futboli.
“C” guruhi.

O'zbekiston – BAA 3:3 (penaltilar seriyasida 2:0).
Gollar: Jamoliddin SHaripov (2ta), Feruz Fahriddinov.

Plyaj futboli bo'yicha O'zbekiston terma jamoasining Osiyo o'yinlarida ishtirok etayotgan tarkibi:

Darvozabonlar:
Akmal Hazratqulov
Ravshan Eliboev
Alisher Ibragimov

Maydondagi o'yinchilar:
Furqat Azizov
Farhod Mirahmedov
Jamoliddin SHaripov
Zayniddin Tojiev
Sarvar SHoahmedov
Feruz Fahriddinov
Andrey SHlema.