Faxriylar. “Qo'qon-1912” – “Neftchi” 3:0

Unda viloyatimizning ikki jamoasi “Qo'qon-1912” va “Neftchi” jamoalarining faxriylari uchrashdilar.

Har ikki jamoa bundan oldin andijonlik faxriylarga qarshi o'yin o'tkazishgan edi. “Neftchi”  faxriylari “Andijon” faxriylari ustidan 2:0 hisobida g'alabaga erishgan bo'lsa, jamoamiz faxriylari Andijondan 3:3 hisobidagi durang natija bilan qaytib kelishgan edi.

Faxriylar o'rtasidagi musobaqaning final qismiga chiqishni maqsad qilgan  “Qo'qon-1912” va “Neftchi” faxriylari o'zaro o'yinda g'alaba qozonish uchun maydonga chiqishdi. Bu uchrashuvda har ikki jamoa tarkibida yaqin o'tmishning bir qator yulduz futbolchilari maydonda harakat qilishdi. “Neftchi” tarkibida Andrey Fyodorov, Murod Ismoilov, Oleg Burov, Asad Do'rmonov kabi faxriylar to'p surishdi. Qo'qonlik muxlislar esa No'mon Hasanov, Muhiddin Abduvaliev, Alisher Otajonov, Mamur Mansurov, Said SHokirov kabi bir qator sevimli futbolchilarini yana yashil maydonda ko'rishdi.

O'yinda katta tashabbusga ega bo'lgan jamoamiz faxriylari birinchi bo'limning o'zidayoq maydonda kim ustun ekaligini ko'rsatib qo'yishdi.

Uchrashuvning 7-daqiqasida Alisher Otajonov hisobni ochgan bo'lsa, 8 va 28-daqiqalarda Said SHokirov dublga erishdi.

Ikkinchi taymda jamoalar harchand urinishmasin darvozalarga boshqa gol kiritilmadi. SHunday qilib faxriylar o'rtasidagi viloyat derbisida jamoamizning faxriy futbolchilari 3:0 hisobida g'alabaga erishishdi. Faxriy futbolchilarimiz navbatdagi uchrashuvni 30 sentyabr kuni andijonlik faxriylarga qarshi o'tkazishadi.