Xorxe Fossati: "Qatarning Jahon chempionatiga chiqishiga ishonaman"
/ Kiritdi: BestMaster O'qilgan: 982
Xorxe Fossati Qatar terma jamoasiga bosh murabbiyi etib tayinlanganidan keyin birinchi matbuot anjumanida ishtirok etdi, deb xabar bermoqda Qatar FA rasmiy sayti.
"Qatar terma jamoasi futbolchilariga ishonganim uchun bosh murabbiy bo'lishga rozilik berdim. Oxirgi ikki o'yinda qoniqarsiz natijalar qayd etildi. Biroq saralashda hamma narsa bo'lishi mumkin. Juda qiyin bo'lishini bilaman, biroq men optimistik ruhdaman. Qaytaraman, Qatarning imkoniyatlariga ishonaman. Milliy terma jamoaga qaytganimdan xursandman", - deydi Fossati.
Urugvaylik ushbu murabbiy 2007-2008 yillarda ham Qatar terma jamoasi bosh murabbiyi bo'lib ishlagan. Biroq sog'ligi bilan bog'liq muammolar tufayli ishdan ketgandi.
Fossati "Al Sadd" klubi bilan 2011 yil OCHL g'olibi bo'ldi va Qatar chempioniga aylandi. O'tgan yil "Ar Rayyan"da ish boshlagandi.
"Ar Rayyan" va uning muxlislariga minnatdorchilik bildiraman. Bu jamoa ham, "Al Sadd" ham yuragimda qoladi. Bu klublarda fantastik davrni boshdan kechirdim. Yangi mavsumda ikkala klubga ham omad tilayman", - deydi Fossati.
"Keyingi ikki o'yin qiyin va muhim ekanini bilaman. Masuliyatni o'z bo'ynimga oldimmi demak men Qatarning Jahon chempionatiga chiqishiga ishonaman. Biz buni amalga oshira olamiz. Juda va juda qiyin bo'lishini bilib turibman. Futbolchilar o'zlarini ko'rsatishlari uchun bor kuchimni ishga solaman", - deydi uruguvaylik murabbiy.
Eslatib o'tamiz, Qatar guruhda dastlabki ikki turdan so'ng 0 ochko bilan oxirgi pog'onada bormoqda. Jamoa 6 oktyabr kuni Janubiy Koreya, 11 oktyabr kuni Suriyaga qarshi o'ynaydi.
Bosh sahifaga
81
