Andijondagi “BO'FM”da turnir bo'lib o'tdi

SHu munosabat bilan “Andijon” futbol klubi tasarrufidagi “Bolalar va o'smirlar futbol maktabi”da 2006 yil va undan kichik yoshda bo'lgan bolalar ishtirokida turnir tashkil etildi. Unda jami 14ta jamoa g'oliblik uchun kurash olib bordi. “Bolalar va o'smirlar futbol maktabi”ning ushbu ichki musoqabasi bugun yakuniga etdi. Finala ertalab soat 10:00da boshlandi. Unda Islom Ahmedov boshchiligidagi “BO'FM” jamoasi Rafael Muslimov boshqaruvidagi “Arena” jamoasiga qarshi bahs olib bordi.

Aytish kerakki, final uchrashuviga “Andijon” jamoasi ijrochi-direktori Sanjarbek Yakubekkov va bosh murabbiy Orif Mamatkazin ham tashrif buyurib, bevosita stadionda kuzatib bordi. Qiziqarli va murosasiz kechgan final uchrashuvida “Arena” jamoasi 2:0 hisobida g'alaba qozonib, bosh sovrinni qo'lga kiritdi.

Turnir yakunida odatga ko'ra, tashkilotchilar musobaqa qatnashchilarini Kubok, medal va bir qator qimmatbaho sovg'alara bilan taqdirlab, turli xil nominaciyalar bo'yicha ham iqtidorli yigitlar mukofotlandi. SHuningdek rahbariyat va murabbiylarga so'z berildi.

– Assalomu alaykum xurmatli murabbiylar va turnir ishtirokchilari. Bugun final uchrashuvini barchamiz birgalikda kuzatib bordik. Har ikki jamoa futbolchilari yaxshi xarakat qildi. Bolalar futbolida natija birinchi o'rinda turmaydi. SHunday ekan murabbiylar ko'proq bolalarni to'g'ri yo'nalish bo'yicha shakllantirib borishi darkor deb o'ylayman. “Bolalar va o'smirlar futbol maktabi” direktori Bekzodbek Karimovga ham klubimiz tomonidan minnatdorchilik bildirib qolaman. Ancha tirishqoq va mexnatsevar yigit. Bungacha ham birgalikda qator turnirlarni o'tkazdik. Nasib qilsa ushbu dargohdan viloyatimizning bosh jamoasiga munosib futbolchilar etishib chiqadi degan umiddaman. Bolalarga maslahatim shuki, futbol bilan jiddiy shug'ullanib murabbiylarning ko'rsatmalariga to'liq amal qilishsin. Ularning ustozlarini esa kelayotgan bayrami bilan jamoamiz nomidan va shaxsan o'zimning nomimdan samimiy muborakbod etaman – deydi “Andijon” FK ijrochi direktori Sanjarbek Yakubbekov.

SHuningdek so'z navbati “Andijon” bosh murabbiyi Orif Mamatkazinga ham berildi. – Bu kabi turnirlarni tashkil etish yaxshi albatta. Bolalarga ko'proq o'yin kerak. Aziz bolajonlar sizlarning musobaqangizda hech qachon g'olib jamoa bo'lmaydi. Bu erda hamma teng. Ikkinchi o'rinni oldik deb ortiqcha hafa bo'lish kerak emas. Asosiysi hali oldinda – deydi Orif Ismoilovich.

“Bolalar va o'smirlar futbol maktabi” direktori Bekzodbek Karimov ham so'z olar ekan jumladan shunday dedi – Xurmatli turnir qatnashchilari va rahbariyat. Avvalambor sizlarga o'z minnatdorchiligimni bildirib o'tsam. O'ylaymanki turnirimiz har bir jamoa uchun foydali bo'ldi. Murabbiylar kuni munosabati bilan tashkil etilgan turnirda murabbiylar o'z shogirdlarining imkoniyatlarini yanada ko'zdan kechirib oldi. Futbolda 10ta mashg'ulotdan 1ta o'yin yaxshi degan gap bor. SHunday ekan kelgusida ham bu kabi turnirlarni tashkil etishda davom etamiz. Bu borada bizni qo'llab-quvvatlat o'z yordamini ayamayotgan “Andijon” futbol klubi rahbariyatiga ham minnatdorchiligimni bildirib qolaman. Biz eng avvalo viloyatimizning bosh jamoasiga o'yinchi tarbiyalab berish yo'lida ishlaymiz. Istardimki sizlarni kelgusida O'zbekiston o'smirlar, yoshlar, olimpiya va milliy terma jamoamiz tarkibida ko'rishni. Bunga erishish eng avvalo har bir yigitning o'ziga bog'liq. Mashg'ulotlarda tinimsiz ishlab, o'sishga erishish yo'lida chin ko'ngildan mexnat qilinsa o'ylaymanki hammasi yaxshi bo'ladi.

SHuningdek taqdirlash marosimida yana bir xurmatli kishilarga so'z berildi va ular ham o'z navbatida samimiy tilaklarini bildirib o'tdi.