Rustam Abdullaev: "Golban hujumda o'ynasam gol uraman degandi"

Bugun g'alabaga teng durangga erishdik. SHogirdlarimiz bugun yaxshi o'ynashdi, buning uchun ularga minnadorchilik izhor etmoqchiman. Bugungi uchrashuv jangovor ruhda o'tdi. Natija ham o'yinga yarasha bo'ldi. “SHo'rtan” ham g'alaba qozonish uchun borini berdi. Biznikilar ham ulardan qolishmadi. Qayd etilgan hisob adolatli bo'ldi, deb o'ylayman.

- G'uzorga besh nafar etakchi futblchilarsiz kelgan bo'lsalaringda ijlobiy natija qayd eta oldingiz. Buning sababi nimada?
- Safarga klish oldidan etakchilarimiz jarohat olib qolishdi. Natijada G'uzorga ularsiz kelishga majbur bo'ldik. Bu esa zaxira o'rindig'ida o'tirgan ayrim o'yinchilar uchun ayni muddao bo'ldi. O'zim ham futbolchi bo'lganim bois, zaxirada qolgan o'yinchilarning holatini yaxshi tushunaman. Ularga bugun o'zlarini ko'rsatish uchun imkoniyat yaratib berdik. Ayrim futbolchilar o'zlarini ko'rsata olishdi.

- Bugun rossiyalik himoyachi Igor Golban oldingi chizig'da to'p surdi. Bu oldindan rejalashtirilgan taktikamidi?
- Yo'q. SHunchaki, o'yindan oldin tarkibimizda bir nafar hujumchi qolgandi. Igor oldimga kelib, bugun hujumda o'ynashi uchun imkon berishimni aytdi. Bugun meni hujumga qo'ying, albatta gol uraman, degandi rossiyalik futbolchi. Uning o'ziga bo'lgan ishonchini ko'rib, rayini qaytara olmadim. Natija yomon bo'lmadi. Igor raqib darvozasini ishg'ol etdi. Qo'lga kiritilgan ochkoda uning hissasi katta bo'ldi.

- “SHo'rtan” oldingi turlarda o'z maydonida etakchi jamoalarni muhim ochkolardan mahrum etgandi. Bugun esa g'alaba qozona olmadi. Buning sababi nima deb o'ylaysiz?
- “SHo'rtan” ancha shakllangan jamoa. Ular o'z maydondarida hatto “Paxtakor” bilan ham durang o'ynashdi. Bugun ham g'alaba qozonish uchun ularda bir necha vaziyatlar yuzaga kelgandi. Ammo imkoniyatlardan oqilona foydalana olmaslik natijasida durang qayd etildi. Keyingi o'yinlarda g'uzorliklarga omad tilab qolaman.