Aleksandr Lobanov: “Paxtakor” oldin bo'lgan, bunday keyin ham bo'ladi”

Unda “Paxtakor” hamda “Lokomotiv” jamoalari kuch sinashishdi. Ushbu bahsda “sherlar”ning qo'li baland keldi (2:1). Uchrashuvdan so'ng “Paxtakor” klubi darvozaboni Aleksandr Lobanov o'z fikrlarini bildirdi.

“Derbi uchrashuvlari har doim qiyib bo'ladi. “Paxtakor” hamda “Lokomotiv” qay pog'onada bo'lishidan qatiy nazar bunday o'yinlarda haqiqiy jang bo'ladi. Bunday o'yinlarda kurashish uchun maydonga chiqish kerak. Qanday holatda bo'lmasin, “Paxtakor” oldin bo'lgan, bundan keyin ham bo'ladi. Biz juda yaxshi harakat qildik. Keyingi o'yinlarda “Paxtakor” umuman boshqacha o'yin ko'rsatishi mumkin. Biz avvalgi holatimizni tiklab oldik, bundan xursandman. Ketma-ket 4 ta o'yinda g'alaba qozonib kelyapmiz. Musobaqa jadvalida biroz bo'lsada yuqorilab oldik. Afsuski, ushbu uchrashuvdan so'ng biroz muddat tanaffusga chiqamiz.

Endi safarda “Neftchi” jamoasi mehmoni bo'lamiz. Ushbu bahsga ham jiddiy tayyorgarlik ko'rishimiz kerak. Iloji boricha kuchli to'rtlikka kirib olishimiz kerak. Biz “Lokomotiv” klubini mag'lub etishni xohlagandik. Yakunda shunday ham bo'ldi. Biz boshida biroz oqsaganimiz uchun hozir har bir ochko uchun kurash olib boryapmiz. Agarda ushbu uchrashuvda 0:0 yoki 1:1 hisobi bo'lib turganida, men so'nggi daqiqalarda jamoadoshlarimga yordam berish uchun hujum chizig'iga etib borardim va g'alaba qozg'onishimiz uchun qo'limdan kelgan barcha ishni amalga oshirardim. Biz uchun eng muhimi g'alaba edi, yaxshiyamki buni amalga oshirdik. Raqibimiz juda ham kuchli edi. Bilmadim, ularga nimadir etishmayapti deb o'ylayman. O'ylashimcha ular bu yil chempion bo'lishi mumkin. Biz o'zimizni vazifamizni bajarmoqdamiz “Lokomotiv” ham o'z vazifasini bajarmoqda. Menimcha “Lokomotiv”ga g'alabaga bo'lgan xohish etishmadi deb o'ylayman. To'g'ri, hakam menga sariq kartochka ko'rsatdi. Lekin, men o'yin vaqtini cho'zish niyatida emasdim”, - deydi “Paxtakor” klubi posboni Aleksandr Lobanov.

Jahongir Sotvoldiev