B.Hakimov: Bunday o'yinlar oliy ligamizga faqatgina ko'rk beradi

- Avvalambor barcha murabbiy va ustozlarni bugungi Ustozlar kuni bilan tabriklayman. O'yin kutilganidek jangovor ruhda kechdi. Biz o'tgan turda o'z uyimizda Neftchini qo'yvorganlik. Agar bugun durrang yokin mag'lubiyatga uchraganimizda, oliy ligada qolish masalamiz ancha og'irlashardi. Bugun men o'z shogirdimga qarshi kurash olib bordim desam hato bo'lmas. Davronga ham ancha qiyin. U ikkinchi davrada jamoaga qator yangi futbolchilar olib kelib, yangitdan jamoa tuzdi. Davralar oralig'ida bunday ishlarni amalga oshirganligiga qaramay jamoani ancha shakllantira olishga erishgan. Lekin Davron vaqti kelib o'zini to'liq ko'rsata olishiga ishonaman. O'yin to'g'risidagi fikrim bitta - bugun bo'lib o'tgandek o'yinlar ko'paysa Oliy ligaga ko'rk beradi. Haqiqiy jang, maydonning har bir qarichi uchun kurash.

- So'nggi o'n yillikdagi Oliy ligamizga etibor qilsak, autsayderlar orasidagi kurash, turnir jadvalining so'nggi pag'onasidagi 5-6 jamoa, asosan ikkinchi davradan boshlab bor kuchi bilan jonlana boshlaydi. Murabbiy siaftida fikringiz qanday? balki shu jamoalar birinchi davradan shunday o'yin ko'rsatishsa…

- Bilasizmi, bunga asosiy sabab shu jamoalarning tayyorgarlikni o'z vaqtida boshlamaganliklari. Misol qilib aytadigan bo'lsam: paxtaga o'z vaqtida ozuqa berib sug'orilmasa u ham o'z vaqtida o'smaydi. SHuning uchun murabbiylarga o'z vaqtida, vaqtliroq yig'inlarni yuqori darajada o'tkazish uchun sharoitlar yaratilishi zarur. Asosiy tayyorgarliklarni dekab va yanvar oylarida olib borish zarur. Fevralda esa, texnik, taktik, to'p bilan ishlash bo'yicha tayyorgarliklar olib borilsa yaxshi natijalarga erishish mumkin.