D.Fayziev: Bizga etishmayotgan narsa bu mahorat

- Bugungi o'yinda mag'lubiyatga uchrashimizda eng asosiy sabab - imkoniyatlardan foydalana olmasligimiz bo'ldi. Mag'lubiyatga uchrayotgan bo'lsakda, qancha vaziyatlar yuzaga keldi. Samarqand jamoasining ikkala goli ham kutilmagan gollar bo'ldi. Balki biz birinchi bo'lib to'p kiritganimizda g'alaba qozonarmidik. Birinchi gol rekoshet holatidan kirib ketdi. Agar biz bugun g'alaba qozonganimizda vazifamizni 60-70%ga bajargan bo'lardik. Oldinda qiyin o'yinlar kutayapti. Menimcha turnir jadvali so'nggi pag'onalaridagi tig'izlik so'nggi turlargacha saqlanib tursa kerak. Bizga etishmayotgan narsa bu mahorat bo'layapti. Biz hech qachon himoyaga yotib olib o'ynamaymiz. Har qanday jamoa bilan, u kuchlimi yoki kuchsiz raqibmi har bir o'yinda muxlislarga yoqadigan o'yin ko'rsatish uchun maydonga tushamiz. Biz uchun har bir o'yin finaldek hisoblanadi.