Bugun futbol. "Nasaf" - "Metallurg"
/ Kiritdi: BestMaster O'qilgan: 889
Bugun oliy liganing 24-tur uchrashuvlaridan o'rin olgan bitta bahs bo'lib o'tadi. Qarshining "Nasaf" klubi o'z maydonida "Metallurg"ni qabul qiladi.
Oliy liga, 24-tur. 30 sentyabr
NASAF - METALLURG
Boshlanish vaqti - 18:15
Turnir jadvalidagi o'rni: "Nasaf" 3-o'rinda (48 ochko), "Metallurg" 6-o'rinda (39 ochko).
Ochkolar orasidagi farq - 9 ochko.
Tarif: Sovrinli o'rinlar uchun harakat qilayotgan "Nasaf" navbatdagi turni o'z maydonida o'tkazadi. Qarshiliklar bu safar Bekobodning "Metallurg" klubini qabul qilishadi. Bugungi bellashuvda maydon egalarining imkoniyati biroz yuqori baholanmoqda. Negaki "Nasaf" ikkinchi davrada uchala o'yinni ham g'alaba bilan yakunladi. "Metallurg" esa safarda hali g'alaba qozongani yo'q.
Fakt: "Nasaf" o'z maydonidagi o'yinlarda hozirgacha 28 ochkoni qo'lga kiritgan. Jamoa Qarshidagi 11ta o'yindan 9tasida zafar quchgan. Bir marta durang o'ynab, bir bor mag'lub bo'lgan. To'plar nisbati 20-7.
Fakt: "Metallurg" esa safar bahslarida 10 ochkoli bo'lgan. Bekobodliklar 11 uchrashuvdan ikkitasida g'alaba qozonib, 5 marta imkoniyatni boy berishgan va to'rt bor mag'lubiyatga uchrashgan. To'plar nisbati 8-11.
Fakt: "Nasaf" ikkinchi davrada hali yutqazmagan yagona jamoa bo'lib turibdi.
Eslatma: Birinchi davradagi bellashuvda "Metallurg" Bekobodda "Nasaf"ni 1:0 hisobida mag'lub etgan. Yagona gol Dilmurod Karimov tomonidan kiritilgan.
Bosh sahifaga
565
17 Noyabr 2021, 18:16