Ro'ziqul Berdiev: “Metallurg” jiddiy va noqulay raqib”

- Avvalo ertangi bayram bilan barcha ustoz va murabbiylarni chin dildan tabriklayman. Ular oldida tazimdaman. Bugungi o'yinga rejamiz raqibga yuqori bosim o'tkazish va  to'pga egalik qilish edi. Ustiga ustak tezkor gollar urib, vazifamizni ancha engillashtirib oldik.  Ikkinchi bo'limdayam bu o'yinimizni davom ettirdik. Raqibga 90 daqiqa bosim o'tkazishga harakat qildik va bunga erishdik.  “Metallurg” jiddiy va noqulay raqib edi. Raqibni o'z o'yiini namoyish etishga bermasligimiz kerak edi SHu sabab ular bugun deyarli imkoniyatga bermadik.

- Statistikaga etibor qaratadigan bo'lsak, “Nasaf” so'nggi ikki mavsumda Qarshida bekobodliklar darvozasiga gol urolmay kelayotgandi. Bu ham sizga qaysidir manoda bosim yukladimi?

- Ha, statistika ham o'z o'zidan bo'lmaydi.  Bu ham qanchadir foiz bosim yuklashi aniq edi. Albatta unga etibor berib turish kerak.   

- “Nasaf” keyingi turda Toshkentda “Bunyodkor” bilan kuch sinashadi. Har ikkala jamoaning turnir jadvalida ochkosi bir xil...
- Albatta keyingi turda eng principial raqib bilan kuch sinashamiz. SHu sabab Toshkentda ham faqat va faqat g'alaba uchun maydonga chiqamiz. Oldinda FIFA kunlari bor. SHu sabab jamoaga turt kunlik tatil beriladi.  So'ng Qarshida to'planib Toshkentdagi o'yinga tayyorgarlik ko'riladi.

- Jarohatlanganlar SHomurodov va Rahmatullaevning hozirgi holati haqida nimalar deya olasiz. Ular qachon maydonga qaytadi?

- SHomurodov “Nasaf”ni katta yutuqlariga ulkan hissa qo'shgan. Hozir u sog'ligini tiklash bilan band. Albatta bu jarayon biroz cho'zilib ketdi . Dilshod Rahmatullaev Germaniyada tibbiy ko'rikdan o'tib qaytdi. Hozir u klub bilan birga. Albatta formani tiklash oson bo'lmaydi. Tez orada uning jamoaga yordami tegishiga umid qilaman.

Aziz Nuriy