G'ayrat Umirov: "Faqat g'alaba uchun o'ynaymiz"

- "Neftchi" ajoyib tarixga ega, kuchli jamoa. Ammo hozir bizni faqat g'alaba qoniqtiradi. Boisi, turnir jadvalidagi o'rnimiz shuni taqozo etmoqda. Buyog'iga nafaqat uyda, balki safardagi bahslarda ham ochko yo'qotishga haqqimiz yo'q. "Neftchi"ga qarshi bahsga oxirgi bir hafta davomida jiddiy tayyorgarlik ko'rdik. Ertaga maydonga faqat g'alaba maqsadida tushamiz. CHempionatning qolgan uchrashuvlari biz uchun finaldek o'tadi. O'ylaymanki, ertanggi bahs juda chiroyli, shiddatli, kurashlarga boy tarzda kechadi. Raqibni hurmat qilgan holda aytishim mumkin, ertaga g'alaba uchun borimizni beramiz va yakunda o'z hisobimizga muhim bo'lgan uch ochkoni o'z hisobimizga yozib qo'yamiz, degan umiddaman. 

"Obod" FK matbuot xizmati