Obid Jo'raboev: “Bugun g'alaba qozonishga harakat qilamiz”

“Oliy ligada qolish uchun kurash olib boryapmiz. SHuning uchun har bir ochko oltinga teng. Uyimizda bo'lgan bir nechta o'yinlarda mag'lubiyatga uchradik. “Qizilqum”ga qarshi har tomonlama puxta tayyorgarlik ko'rdik. Bugungi raqibimiz chempionatimizdagi kuchli jamoalardan biri hisoblanadi. Ular ikkinchi davrada tarkibini ancha yaxshilab olgan. Nima bo'lishidan qatiy nazar, bugun g'alaba qozonishga harakat qilamiz. Bundan buyog'iga “jonga jon, qonga qon”. Hozirgi vaziyatimiz og'ir. “Qo'qon-1912” bizdan 1 ochko o'tib ketdi. “Obod” ham etib oldi. Bugun g'alabaga erishsak vaziyatimiz yaxshilanardi. Keyingi turda safarda “SHo'rtan” mehmoni bo'lamiz. Ushbu uchrashuvda ham ochko olsak turnir reytingida o'z o'rnimizni yanada yaxshilab olardik. “Qizilqum”da bo'ydor futbolchilar ko'p. SHuning uchun himoyaviy o'yin ko'rsatsak kerak. Raqibimiz qarshi hujumda yaxshi o'ynaydi”, - deydi “Andijon” klubi futbolchisi Obid Jo'raboev.

Jahongir Sotvoldiev