"Navbahor": Tarbiyalanuvchilarimiz O'zbekiston chempioni!

Avval xabar berib o'tganimizdek, musobaqaning finaliga Namangan viloyati va Toshkent shahri terma jamoalari yo'l olishgandi. O'zbekiston chempionatining final uchrashuvida viloyat terma jamoasi o'zagini tashkil etgan “Navbahor-Umid” futbol maktabi tarbiyalanuvchilari 2:1 hisobidagi g'alabani qo'lga kiritib, 2005 yilda tug'ilgan futbolchilar o'rtasida O'zbekiston chempioni degan sharafli nomga sazovor bo'lishdi. Vakillarimizga g'oliblikni taqdim etgan gollarga Muhammadsodiq Abdullaev va Diyor Bahromjonovlar mualliflik qilishdi. Toshkent shahri vakillarining yagona javob to'pi Lazizbek Hakimov hisobiga yozildi.

Final uchrashuvi yakuniga etgach, musobaqaning tantanali yopilish marosimi bo'lib o'tdi. G'olib va sovrindorlarga chempionat medallari va diplomlar topshirildi. Viloyatimiz terma jamoasi azolari kichik oltin medallarga sazovor bo'lishdi. Toshkent shahri vakillari faxrli ikkinchi o'rinni egallab kumush medallarga loyiq topilishgan bo'lsa yarim finalda imkoniyatni boy bergan Navoiy va Toshkent viloyati vakillari bronza medallari bilan taqdirlanishdi. SHuningdek, turli nominaciyalar bo'yicha eng yaxshilar aniqlanib ularga ham maxsus sovg'alar topshirildi. O'zbekiston chempionatida Namangan viloyati terma jamoasi sharafini himoya qilgan tarbiyalanuvchilarimidan Diyor Bahromjonov “Eng yaxshi hujumchi”, Firdavs Umaraliev esa “eng yaxshi yosh futbolchi” deb topilishdi.