Suhrob Berdiev: "Juda muhim ochkolarni boy berdik"
/ Kiritdi: BestMaster O'qilgan: 1158
Oliy liga 24-tur doirasida bo'lib o'tgan “Qo'qon-1912” – “Navbahor” jamoalari bahsidan keyin qo'qonliklar futbolchisi Suhrob Berdiev o'z fikrlarini quyidagicha bayon qildi.
- “Navbahor”ga qarshi bahsda faqat g'alabani ko'zlab maydonga chiqqan edik. Afsuski o'z xatolarimiz evaziga ko'zlagan maqsadga erisha olmadik. Bundan oldingi turlarda Navoiyda va uyda “Metallurg” bilan ko'rsatgan o'yinimizni bugun ko'rsata olmadik. Nima uchun bunday bo'ldi hayronman, balki haddan tashqari g'alaba qozonishga intilganimiz natijasida xatolar kelib chiqdimi bir nima deya olmayman.
Jamoamizda hamma ahil , barchamizni maqsadimiz turnir jadvalidagi mavqeimizni yaxshilashga qaratilgan. Kechagi o'yinda yo'qotilgan ochkolarni keyingi o'yinlarimizda joyiga qo'yishga harakat qilamiz. O'ylaymanki mavsum so'nggiga qadar ko'zlangan maqsadimizga erishamiz, - dedi Suhrob Berdiev.
"Qo'qon-1912" matbuot xizmati
37828439973988928 
Bosh sahifaga
440
13 Avgust 2026, 16:40