Erkin Boydullaev: Nasafdan ketganimdan afsuslanmayman

Bu ikki klub turnir jadvalida qo'shni hisoblanishadi. Ushbu g'alabadan so'ng amaldagi mamlakat chempioni navoiyliklar bilan o'rtadagi ochkolar farqini minimal darajagacha qisqartirishdi. Biz mazkur bahs yakunlangach, mehmon jamoa sardori Erkin Boydullaevdan intervyu oldik.

- Muhim uchrashuvda mag'lubiyatga uchradinglar, bu bahsga ruhan tayyormidinglar?

- Menimcha, yo'q. CHunki Buxoroga imkoniyat boy berilgach, futbolchilarda tushkun holat bor edi. SHu bois Paxtakorga yutqazdik, deb o'ylayman. Ijobiy natija uchun harakat qildik. Afsuski, xatolarimiz pand berdi. Boz ustiga, xavfli vaziyatlarni golga aylantira olmadik. Bugun kamida durang yoki g'alaba qozonishga haqli edik. Ammo yuqorida aytgan sabablar tufayli muhim uch ochkoni boy berdik.

- Paxtakorning bugungi holatidan kelib chiqib, g'alabaga umid bormidi?

- CHempionning mavsumni muvaffaqiyatsiz o'tkazayotgani uning kuchsizlanganini bildirmaydi. SHunchaki, omadsiz seriya cho'zilib ketdi. O'tgan turda sherlar Bunyodkorni mag'lubiyatga uchratishdi. Ushbu muvaffaqiyatdan so'ng ularning kayfiyatlari yanada ko'tarilib, futbolchilarda o'zlariga bo'lgan ishonch ortgandi. Bu holat ham Paxtakorning g'alabasiga xizmat qildi.

- O'yindan avval qanday ko'rsatma berilgandi?

- Murabbiylar vaziyatga qarab ish tutish kerakligini aytishgandi. Paxtakorga qarshi mehmonda birinchi raqamli jamoa sifatida o'ynash oson emas. Ko'proq qarshi hujumlarga tayanilgandi. Himoyani mustahkam ushlagan holda vaziyat bo'lishi bilan qarshi hujumda raqibni jazolash vazifasi qo'yilgan edi. Jamoamiz kuchli to'rtlikka kirishni maqsad qilgan. SHuni inobatga olsak, bizga himoyaga yotib olish to'g'ri kelmaydi. Guvohi bo'lganingizdek, Paxtakorga qarshi o'yinda deyarli ochiq futbol namoyish etdik.

- Tarkibda tajribali, terma jamoaga nomzodlar, o'z vaqtida xalqaro tajriba to'plaganlar etarli. Lekin natija shunga monand bo'lmayapti. Jamoaga nima etishmayapti?

- Ikkinchi davraning dastlabki to'rtta uchrashuvida g'alaba qozondik. Keyin Qo'qon-1912 bilan kutilmaganda durang qayd etdik. SHu uchrashuvdan so'ng o'yinimizda pasayish kuzatildi. Asosiy raqiblarimizdan biri - Buxoroga imkoniyatni boy berdik. Endi esa Paxtakor maydonidagi mag'lubiyat. O'ylaymanki, kelgusida hammasi yaxshi bo'ladi. Boshqa ochko yo'qotmasligimiz kerak, chunki durang ham turnir jadvalida pasayishimizga sabab bo'ladi. Oldinda qiyin o'yinlar kutib turibdi. Jumladan, keyingi turda o'z maydonimizda Nasafni qabul qilamiz.

- SHaxsan o'zingiz mazkur bahsga alohida tayyorgarlik ko'rsangiz kerak?

- Nega endi? Ularga isbotlaydigan narsam yo'q. Bir necha yil davomida Nasaf sharafini himoya qildim. Muxlislar ham, mutaxassislar ham imkoniyatlarimni bilishadi. Faoliyatimdagi eng yaxshi damlar aynan Qarshi klubida o'tgan, u erda juda ko'p sovrinlarni qo'lga kiritdim, OFK kubogida zafar quchdik. O'zbekiston kubogi, mamlakat Superkubogi sohibiga aylandim.

- Nasafdan ketishingizga nima sabab bo'lgandi?

- O'zim shunday qaror qabul qildim, aniqrog'i, ketishga xohish bo'ldi.

- Hech qanday muammo tug'ilmadimi? Masalan, klub rahbariyati bilan?

- Yo'q, shunchaki, vaziyatni o'zgartirishga qaror qildim.

- Bundan afsuslanmaysizmi?

- Afsuslanishga hojat yo'q. Hammasi joyida. Yaxshi shartnoma taklif qilishgandi. SHunda Nasaf rahbariyati bilan kelishib, boshqa klubga o'tishni afzal bildim. Hozirgi jamoamda hamma shart-sharoitlar meni to'liq qoniqtirmoqda. Ikki-uch yil ichida klub infratuzilmasida katta o'zgarishlar ro'y berishi kerak.

- SHartnoma yil so'ngiga qadar tuzilganmi?

- Xuddi shunday.

- Mavsum yakunlanganidan ke-yin boshqa klubga o'tish haqida o'ylab ko'rasizmi?

- Bilmadim. Hozir asosiy maqsadimiz - mavsumni kuchli to'rtlikda yakunlash. Keyin nima bo'lishini vaqt ko'rsatadi.

- O'z poziciyangizda o'ynayapsizmi?

- Nasafda qaysi nuqtada harakat qilgan bo'lsam, Navoiyda ham shunday davom etyapman. Bu borada muammo yo'q.

Kamoliddin ALIMOV suhbatlashdi